Hika na Nahihikayat-ng-Ehersisyo sa Mga bata

________________________________________________________________________

MGA PINAKAMAHALAGANG PUNTO

• Ang hika ay isang pangmatagalang (hindi gumagaling) sakit sa baga. Ang hikang naimpluwensyahan ng ehersisyo ay isang anyo ng hika na nagiging sanhi ng paghingang may tunog, pag-uubo, kakapusan ng hininga, at paninikip ng dipbdib sa panahon o pagkatapos ng pisikal na aktibidad.
• Ang hikang naimpluwensyahan ng ehersisyo ay maaaring matagumpay na magamot sa pamamagitan ng pangmatagalang pagkontrol sa mga gamot at mga gamot na pangmabilisang lunas (pansagip).
• Para makatulong maiwasan ang hikang naimpluwensyahan ng ehersisyo, alamin kung ano ang nagpapasimula ng hika ng iyong anak. Ang pagsusuot ng pantakip sa mukha o scarf kapag mag-e-ehersisyo ang iyong anak ay maaaring matulungan siyang maprotektahan sa sipon, tuyong hangin, polusyon sa hangin, alikabok, o pollen. Ang pag-eehersisyo na pangpainit bago ang isang ehersisyo ay maaaring makatulong maiwasan ang isang atake ng hika.

________________________________________________________________________

Ano ang hika na naimpluwensyahan ng ehersisyo?

Ang hika ay isang pangmatagalang (hindi gumagaling) sakit sa baga. Nagsasanhi ito ng paghinga nang may tunog, pag-uubo, kakapusan sa paghinga, at paninikip ng dibdib. Ang hika na naimpluwensyahan ng ehersisyo ay isang anyo ng hika na nagsasanhi ng mga problema habang o pagkatapos ng pisikal na aktibidad.

Ano ang sanhi?

Ang mga sintomas ng hika ay sanhi ng dalawang magkaibang problema sa mga daluyan ng hangin.

• Ang isang problema ay ang mga kalamnan sa mga daluyan ng hangin ay sumisikip, na nagsasanhi ng pakiramdam ng paninikip ng dibdib at paghinga nang may tunog.
• Ang iba pang problema ay pamamaga, iritasyon at sobrang plema sa mga daluyan ng hangin.

Kung may hika ang iyong anak, kadalasang nagsisimula ang mga sintomas pagkatapos na malantad na malantad ang iyong anak sa isang nakapagpapasimula. Ang mga nagpapasimula ng hika ay maaaring isama ang:

• Ehersisyo (na tinatawag na hika na naimpluwensyahan ng ehersisyo)
• Mga allergy, tulad ng alikabok, polen, amag, o balahibo ng hayop
• Isang bagay na nakapag-iirita ng mga baga ng iyong anak, tulad ng malamig na hangin, usok, o matapang na amoy tulad ng pintura o pabango
• Mga gamot tulad ng aspirin o mga NSAID
• Isang impeksyon tulad ng sipon, ang trangkaso, o isang impeksyon sa sinus
• Matitinding emosyon o stress
• Impatso, tinatawag din na gastroesophageal reflux disease, o GERD. Kung madalas na nagkakaproblema ang iyong anak sa impatso sa asido, maaari siyang magkaroon ng maraming sintomas ng hika, lalo na sa gabi.

Sa hika na naimpluwensyahan ng ehersisyo, maaaring mangyari ito:

• Habang o pagkatapos ng pisikal na aktibidad at kapag mahirap, mabigat, o mabilis ang paghinga
• Kapag malamig ang hangin
• Kapag napakababa o napakataas ng kahalumigmigan
• Kapag mayroong maraming polusyon sa hangin
• Kapag maraming allergen sa hangin

Sa karamihan ng bata, ang pagtakbo o pagsakay ng bisikleta sa malamig na hangin ay maaaring makapagpasimula sa mga sintomas. Ang pag-iyak at mga pagsumpong ng pag-uugali ay maaari rin magpasimula ng atake ng hika sa mga napakabata.

Ano ang mga sintomas?

Kasama sa mga sintomas ng hika na naimpluwensyahan ng ehersisyo ang:

• Paghinga nang may tunog
• Pag-ubo
• Kakapusan ng hininga
• Paninikip ng dibdib
• Kapaguran

Maaari mo rin makita na hindi gusto ng iyong anak na maglaro o gumawa ng mga pisikal na aktbidad. Ang mga sanggaol ay maaaring mahirapan sa pagsipsip o pagkain.

Paano itong sinusuri?

Tatanungin ng iyong healthcare provider ang tungkol sa mga problema sa paghinga habang o pagkatapos ng ehersisyo. Maaaring sabihan ka niya na tumakbo sa isang treadmill para malaman kung humihinga ka nang may tunog pagkatapos ng ehersisyo.

Maaari kang magsagawa ng espesyal na mga pagsusuri sa paghinga bago at pagkatapos ng ehersisyo. Sinusukat ng mga pagsusuring ito kung gaaano kabilis kang magpalabas ng hangin sa isang paghinga.

Paano itong ginagamot?

Ang hika na naimpluwensyan ng ehersisyo ay maaaring matagumpay na magamot sa pamamagitan ng gamot. Dalawang uri ng gamot sa hika ang maaaaring gamitin.

• Ang mga gamot na pangmatagalan na pangkontrol, ay tinatawag din na mga gamot na controller. Sa pag-inom sa gamot na ito nang regular sa araw-araw, nakakatulong ito na kontrolin ang iyong mga sintomas ng iyong anak. Iinumin ng iyong anak ang mga gamot na ito araw-araw, kahit na hindi siya nagkakaroon ng mga sintomas. Ang mga ito ay hindi nagbibigay ng mabilis na kaginhawahan sa paghinga nang may tunog sa malalalang atake ng hika.
• Mga gamot na mabilis-na-panglunas, tinatawag din na reliever, o mga gamot na pangligtas. Ginagamit ang mga gamot na ito kung kinakailangan para gamutin ang mga atake ng hikang naimpluwensyahan ng ehersisyo. Hindi ginagamit ang mga ito sa batayang regular, pang-araw-araw para mapigilan ang mga sintomas ng hika. Mabilis na gumagana ang isang mabilis na pangpaginhawang inhaler para mapahinga ang mga kalamnan ng mga daluyan ng hangin. Ang ganitong klase ng gamot ay kadalasang ibinibigay nang 15 hanggang 30 minuto bago mag-ehersisyo. Maaari nitong mapigilan ang mga sintomas sa mga tao na may hika na naimpluwensyahan ng ehersisyo.

Paano kong mapapangalagaan ang aking anak?

Kung ang iyong anak ay may hika na naimpluwensyahan ng ehersisyo, hayaan ang mga coach at guro, na nangangasiwa sa iyong anak na alam kung ano ang gagawin para matulungan ang iyong anak.

Hindi kailangang iwasan ng iyong anak ang lahat ng ehersisyo at iba pang pisikal na aktibidad. Ang pag-eehersisyo na pangpainit bago ang isang masiglang ehersisyo ay maaaring makatulong maiwasan ang isang atake ng hika.

Ang ilang bata ay may mas maraming sintomas sa panahon ng walang tigil na aktibidad sa malamig, tuyong hangin. Sa panahon ng taglamig, maaaring kailanganing mag-ehersisyo ng iyong anak sa loob ng bahay, o magsuot ng takip sa mukha kapag mag-eehersisyo sa labas. Ang pagsusuot ng takip sa mukha o bandana ay nagpapainit sa hangin bago ito malanghap ng iyong anak. Maaaring kailanganin mo rin maging may kamalayan sa mga kundisyon tulad ng polusyon sa hangin o mga allergen tulad ng alikabok o pollen.

Kadalasang maiiwasan ng iyong anak ang mga sintomas sa paggamit ng mabilis-na-panglunas na gamot nang 15 hanggang 30 minuto bago mag-ehersisyo.

Maaaring kailanganin ng iyong anak ang ilang araw para makabalik sa dating lakas ng katawan mula sa isang sakit na viral Sa ganitong kaso, maaaring kailangan niyang iwasan ang klase sa gym o sports sa maikling panahon.

Kung regular na maraming sintomas ang iyong anak kahit na pagkatapos gumamit ng mabilis-na-panglunas na gamot, makipag-usap sa kanyang healthcare provider.