Pagkalason sa Acetaminophen

________________________________________________________________________

MGA PINAKAMAHALAGANG PUNTO

• Nangyayari ang pagkalason sa acetaminophen kapag uminom nang sobrang acetaminophen ang iyong anak.
• Kung sapalagay mong nakainom nang sobrang acetaminophen ang iyong anak, huwag maghintay na makita kung magkakaroon ng mga sintomas. Tawagan ang poison control center sa 800-222-1222 o kaagad na humingi ng emergency na medikal na pangangalaga. Huwag subukang ikaw mismo ang gumamot sa iyong anak.
• Kung wastong maipapainom, ligtas ang gamot na ito para sa mga sanggol at bata. HUWAG paiinumin ang iyong anak ng maraming gamot kaysa sa inuutos.

________________________________________________________________________

Ano ang pagkalason sa acetaminophen?

Ang acetaminophen ay isang gamot na ginagamit para gamutin ang pananakit at lagnat. Ibinebenta ang acetaminophen sa ilalim ng maraming pangalan ng brand. Nakikita ito sa maraming gamot, tulad ng mga gamot sa pananakit at sipon at mga gamot sa trangkaso. Isa itong ligtas na gamot kapag ipinapainom sa tamang dosis. Nangyayari ang pagkalason sa acetaminophen kapag uminom nang sobrang acetaminophen ang iyong anak.

Ang labis na dosis ng gamot na ito ay maaaring lubhang makapinsala sa atay. Kung kaagad na magagamot, maaaring makapanumbalik sa dating lakas ng katawan ang iyong anak na walang mga pangmatagalang problema sa kalusugan. Kung malala ang pinsala sa atay, maaaring kailanganin ng iyong anak ang liver transplant.

Ano ang sanhi?

Ang labis na dosis ay maaaring mangyari kung ang iyong anak ay:

• Sadyang umiinom nang sobra
• Aksidenteng umiinom nang sobra, tulad ng hindi pagsukat sa tamang dosis o sobrang dalas iniinom ang gamot
• Umiinom ng iba’t ibang gamot na lahat ay naglalaman ng acetaminophen

Ano ang mga sintomas?

Maaaring hindi magkaroon ng mga sintomas ang iyong anak nang hanggang sa 24 na oras pagkatapos inumin ang gamot. Maaaring kabilang sa maaagang sintomas ang:

• Pagduduwal at pagsusuka
• Kawalan ng gana

Kung hindi kaagad magagamot, maaaring kabilang sa mga sintomas ang:

• Pananakit sa bandang kanang itaas ng tiyan
• Pagtatae
• Coma
• Pagkalito
• Mga atake

Papaano itong sinusuri?

Tatanungin ng healthcare provider ng iyong anak ang tungkol sa mga sintomas at medikal na history ng iyong anak at susuriin ang iyong anak. Maaaring bigyan ng mga pagsusuri sa dugo o ihi ang iyong anak.

Papaano itong ginagamot?

Kung sapalagay mong nakainom nang sobrang acetaminophen ang iyong anak, huwag maghintay na makita kung magkakaroon ng mga sintomas. Tawagan ang poison control center sa 800-222-1222 o kaagad na humingi ng emergency na medikal na pangangalaga. Dalhin ang botelya. Mas madaling malunasan ng mga gamot ang iyong anak, mas mabuti ang pag-asa na gagaling ang iyong anak.

Huwag subukang ikaw mismo ang gumamot sa iyong anak. Huwag subukang pasukahin ang iyong anak.

Paano akong makatutulong iwasan ang pagkalason sa acetaminophen?

• Marami sa inireseta at hindi iniresetang gamot para sa pananakit, sakit ng ulo, at sipon ay naglalaman ng acetaminophen. Basahing mabuti ang mga etiketa para malaman kung alin ang maaaring naglalaman ng acetaminophen. Maaari rin tawagin ito na non-aspirin pain reliever. Kung hindi mo malaman kung umiinom ang iyong anak nang higit pa sa inirerekumendang dosis kada araw, hilingan ang iyong healthcare provider o parmasyotiko na repasuhin ang lahat ng gamot ng iyong anak.
• Kung wastong maipapainom, ligtas ang gamot na ito para sa mga sanggol at bata. Kailangang mong ipainom ang dosis batay sa timbang ng iyong anak, hindi sa edad ng iyong anak.
  • Bigyan ang mga sanggol ng pampatak. Gamitin LAMANG ang kasangkapang pang-dosis na kasama sa pakete ng gamot para maipainom ang tamang dosis ng gamot. Hindi ligtas na gumamit ng pangpatak mula sa isang botelya para sa iba pang botelya. Ang pagdo-dosis ay hindi palaging pareho sa mga gamot. HUWAG gagamit ng kutsaritang pangbahay para magpainom ng dosis.
  • Maaari mong painumin ng likido o mga nangunguyang tableta ang mas matatandang bata. Para sa likido, gamitin ang measuring cup na kasama sa pakete. Sa mga tabletang nangunguya, siguraduhin na ngunguyain ng iyong anak ang mga tableta bago lunukin para maiwasan ang pagkahirin. Kung bibigyan mo ang iyong anak ng mga tabletang natutunaw, siguraduhin na matutunaw ang mga ito sa bibig ng iyong anak bago lunukin.
  • HUWAG paiinumin ang iyong anak ng maraming gamot kaysa sa inuutos.
  • Kung higit sa isang may sapat na gulang ang nag-aalaga sa iyong anak, ipasulat sa bawat-isang may sapat na gulang kung gaanong karami at kung anong uri ng gamot at kailan natanggap ng bata. Isabit ang impormasyon na iyon kung saan makapagsasaguni at makapagdaragdag ang lahat dito, gaya ng sa pintuan ng refrigerator.